Esencia da Terra

Fotografías de Emerson Díaz

Mañá martes, día 11 de maio, ás 20h, o fotógrafo guatemalteco Emerson
Díaz inaugura na Casa das Crechas unha mostra chamada Esencia da
terra. Uk´ux Ulew coa que quere amosar a cultura Maia e a súa vontade
de supervivencia.

A metade da poboación guatemalteca é indíxena. Son seis millóns de
persoas que pertencen a 22 etnias, que falan 22 linguas, que resisten
ante a imposición colonial, que resisten ante a globalización, que
resisten ante o xenocidio. Son os Maias, unha cultura ancestral que se
nega a morrer.