Este dúo representa a dúas xeracións de músicos galegos. Un é o zanfoñista Óscar Fernández, ex compoñente dos Cempés que é orixinario de San Sadurniño. O outro é o lalinense Carlos Quintá, un dos maiores expoñentes do acordeón diatónico aplicado á música folk. Xuntos reinterpretan músicas tradicionais, principalmente do repertorio instrumental galego, ao que suman composicións orixinais e temas adaptados doutras culturas europeas.

A zanfoña e o acordeón diatónico experimentan un auxe renovado entre as formacións de música folk. O acordeón pon a harmonía, os baixos e o dinamismo, mentres que a zanfoña achega a calidez das cordas fregadas máis a percusión do bordón rítmico.

Casa das Crechas. 19 de xaneiro. Hora 22:30
Entrada 3 euros