Antonio Bravo, Baldo Martínez & Lucia Martínez

02/02/2010_22:30_Entrada 3 euros

O trío Martínez, Bravo, Martínez (MBM) formouse no 2009 . Os tres músicos teñen colaborado e grabado xuntos en distintas formacións anteriormente sobre todo dintro do ambito do Jazz, como e o caso mais recente con  o "Projecto Miño", dirixido por Baldo Martinez, proxecto premiado pola revista "Cuadernos del jazz" como mellor disco do ano 2009. Todos os membros do trio son músicos de recoñecido prestixio, directores do seus propios proxectos, conn unha amplia discografia e levando a sua música por festivais de todo o mundo, Paris, Berlin Munich, Mexico, Tánger, Roma, Varsovia, Estocolmo, etc

Nesta ocasión preséntannos un repertorio formado por composicións dos tres músicos enmarcado estilísticamente no jazz europeo. O obxectivo é explorar diversas facetas dentro da improvisación, que van dende marcos con certa densidade armónica a campos máis cercanos ao free jazz e incluso incursións en improvisación libre . A forma de traballar do grupo alónxase do clásico trío de jazz con solista e sección rítmica acompañante, apostando neste caso por un contrapunto dos tres instrumentos con un claro obxectivo en común. O resultado é un repertorio coherente e ao mesmo tempo heteroxéneo onde o factor sorpresa está sempre presente. Unha mirada ao jazz europeo pero sen intención de dar as costas ás formas máis clásicas que tamén teñen o seu espazo no repertorio.